पुणे (हवेलीनामा वृत्तसमुह) गोवा येथे नुकत्याच पार पडलेल्या ‘हाफ आयर्न मॅन २०२४’ या आंतरराष्ट्रीय दर्जाच्या क्रीडा स्पर्धेत अतुल चौधरी सोरतापवाडी तालुका हवेली जिल्हा पुणे यांनी अपूर्व कामगिरी करत ‘आयर्न मॅन’ किताब पटकावला आहे. सिरम इन्स्टिट्यूटचे सदस्य असलेल्या अतुल चौधरी यांनी आपल्या कठोर परिश्रम आणि आत्मविश्वासाच्या जोरावर ही स्पर्धा पूर्ण केली आहे, ज्यात १.९ किलोमीटर पोहणे, ९० किलोमीटर सायकलिंग आणि २१.१ किलोमीटर धावणे या तीन अत्यंत आव्हानात्मक टप्प्यांचा समावेश होता.
ही स्पर्धा पूर्ण करण्यासाठी आवश्यक असणारी शारीरिक आणि मानसिक तयारी तसेच ७ तास ४८ मिनिटांच्या कठीण वेळेत सर्व टप्पे यशस्वीरीत्या पार करणे हे अतुल चौधरी यांचे धाडस आणि क्षमता दर्शवते. स्पर्धेमधील प्रत्येक टप्पा हे एक स्वतंत्र आव्हान असूनही त्यांनी ते अत्यंत निपुणतेने पूर्ण केले. या स्पर्धेत यश मिळवणे हे केवळ एक वैयक्तिक विजय नसून, इतरांना प्रेरणा देणारे एक उदाहरण देखील आहे.
अतुल चौधरी यांच्या या ऐतिहासिक यशामुळे त्यांचे कुटुंबीय, मित्रपरिवार, तसेच सिरम इन्स्टिट्यूटमधील सहकारी सगळ्यांनी त्यांच्यावर अभिमान व्यक्त केला आहे.