जोरदार शक्तीप्रदर्शनकरत भरला बापूसाहेब पठारे यांनी उमेदवारी अर्ज..!
पुणे-(हवेलीनामा बापू धुमाळ) वडगाव शेरी मतदार संघातून राष्ट्रवादी काँग्रेस (शरद पवार गट) या पक्षाच्या वतीने माजी आमदार बापूसाहेब पठारे यांना पक्षाकडून उमेदवारी अर्ज दाखल केला यावेळी जोरदार शक्तीप्रदर्शनकरत आपला उमेदवारी अर्ज दाखल केला. संपुर्ण मतदार संघात रॅली काढून त्यांनी जोरदार शक्तीप्रदर्शन देखील केले. तत्पुर्वी त्यांनी माध्यमांशी संवाद साधताना येथील जनता तिन्ही पक्षाच्या सत्तेसाठी कायपण मुळे जनता त्रस्त झालेली आहे त्यामुळे जनतेने यंदा बदल आवश्यक आहे असे म्हणत मीच आमदार होणार.त्यामुळे या मतदार संघातून कोणाचे आवाहन नाही, असे बापू पठारे यांनी म्हंटले आहे.
पुण्यातील बहुचर्चित पैकी एक वडगावशेरी मतदार संघ येतो. आयटी पार्क तसेच विकसीत परिसर असलेल्या या वडगाव शेरीत लोहगाव, खराडी, वाघोलीचा काही परिसर, येरवडा, विश्रांतवाडी चंदननगर असा परिसर आहे. माजी आमदार राहिलेले बापूसाहेब पठारे यांना यावेळी शरद पवार यांच्या पक्षाकडून उमेदवारी देण्यात आली आहे. बापूसाहेब पठारे यांची मतदारसंघात पकड आहे. त्यांनी सरपंच ते आमदार असा प्रवास राहिलेला आहे. त्यामुळे त्यांना मतदार संघातील जान देखील आहे.
त्यांनी खराडीमधून ग्रामपंचायत सदस्य ते सरपंच होत आपल्या राजकीय जीवनास सुरुवात केली. नंतर ते पंचायत समिती, जिल्हापरिषद सदस्य आणि नंतर पुणे महानगरपालिकेत नगरसेवक म्हणून निवडून आले. ते स्थायी समितीचे अध्यक्ष राहिलेले आहेत. त्यानंतर २००९ मध्ये राष्ट्रवादी पक्षाकडून आमदार झाले. नंतर त्यांनी निवडणूक लढवली नाही. मध्यंतरी त्यांनी भाजपत प्रवेश केला होता. परंतु, राष्ट्रवादीची फुटाफूट झाल्यानंतर पुन्हा ते राष्ट्रवादी काँग्रेस पक्षात (शरद पवार गट) परत आले. आता दुसऱ्यांदा ते निवडणुकीला सामोरे जात आहेत.
राष्ट्रवादीचे (अजित पवार गट) विद्यमान आमदार सुनिल टिंगरे यांच्यासोबत त्यांचा सामना होणार आहे. विद्यामान व माजी आमदार असा हा सामना वडगाव शेरीत रंगला जाणार आहे