कदमवाकवस्ती (हवेलीनामा ऑनलाइन) पुणे सोलापूर महामार्गाचे राष्ट्रीय महामार्ग प्राधिकरणाकडे वर्गीकरण झाल्यानंतर याकडे या विभागाचे अक्षम्य दुर्लक्ष झाले आहे त्यामुळे यामार्गावर गेल्या काही दिवसात अनेक समस्या उद्भवतात महामार्गाच्या दोन्हीही बाजूस अस्ताव्यस्त वाढलेली झुडुपे रस्त्यावर जमा झालेला चिखलाचे खच आणि आता रस्त्यावरील खड्यांची भर पडली आहे असाच एक अपघातास कारणीभूत ठरू शकेल असा मोठा खड्डा कदमवाकवस्ती येथिल इंडियन आँयल कंपनीच्या मुख्य प्रवेशद्वारासमोर रस्त्याच्या मधोमध पडला होता.रस्त्यावरील वाहनांची वर्दळ पाहता सणासुदीच्या काळात नक्कीच मोठया अपघातास कारणीभूत ठरला असता परंतु याच परिसरात सामाजिक कामात नेहमीच अग्रेसर असलेल्या जयहिंद याची दखल घेऊन लोणी काळभोर शहर वाहतूक शाखा यांच्या सहकार्याने तो खाडी वाळू व सिमेंट च्या मिश्रणाने भरून काढला.
