पुणे (हवेलीनामा आॕनलाईन) उन्हाची तिवृता दिवसेंदिवस वाढत असून अंगाची लाही होत आहे अशावेळी पशुपक्षी अन्न पाण्याच्या शोधासाठी भटकतात ग्रीन फाउंडेशने अशा पक्ष्यासाठी धान्य व पाणी उपलब्ध करून देण्यासंदर्भात उपक्रम हाती घेतला आहे.
पक्ष्यांसाठी हाती घेतलेल्या उपक्रमास समाजातील स्वयंसेवींनी साथ देण्याचे आवाहन संस्थापक अध्यक्ष अमित जगताप यांनी केले. विविध सुरक्षित ठिकाणी पक्ष्यांना निवारा उपलब्ध करुन देण्यासाठी आवश्यक असलेली घरटी, पाण्यासाठीची भांडी, धान्य पक्षी प्रेमीना देण्यात आले. तसेच त्यांच्या अंगणात अथवा पक्ष्यांसाठी गरज असलेल्या ठिकाणी घरटी व पाण्याची भांडी, बसविण्यात आली.
अन्न व पाण्यासाठी अंगणात, विविध परिसरात भटकणाऱ्या पक्ष्यांना या उपक्रमातून वात्सल्याचा ओलावा द्यायचा आहे त्यासाठी ग्रीन फाउंडेशनचे सहकार्य लाभणारच आहे शिवाय आणखीही संस्था, व्यक्तींना या उपक्रमामध्ये सहभागी होऊन निरागस पक्ष्यांसाठी हक्काचे घर व अन्न देता येऊ शकते असे जगताप यांनी सांगितले.
उन्हाळ्याने लाहीलाही होत असताना पाण्याच्या अन्नाच्या शोधासाठी पक्ष्यांची होणारी परवड मृगाच्या पहिल्या सरीपर्यंत सुरू राहणार आहे. या दोन महिन्यांच्या कालावधीत दररोज मूठभर धान्य व वाटीभर पाणी अंगणात ठेवले तर उन्हाळा सुसह्य ठरणारच आहे. त्यासाठी धान्य, पाणी, घरटं देणाऱ्या हातांनी पुढे सरसावण्याची गरज आहे. या उपक्रमात ग्रीन फाऊंडेशन आधारस्तंभ श्री.बाळासाहेब कोळपे, ग्रीन फाऊंडेशन संस्थापक अध्यक्ष अमित जगताप ग्रीन फाऊंडेशन पुणे जिल्हाध्यक्ष दत्तात्रय शेंडगे, हवेली तालुका संपर्क प्रमुख बाबासाहेब यादव, बिरूदेव भास्कर, जीवन जाधव, दिपक महानवर, अभिषेक शेंडगे, किरण बाचकर, राहुल कुंभार, किरण भोसले,विजय बोडके,बाबासाहेब घोडके, सहभागी आहे.