कुंजीरवाडी (हवेलीनामा वृत्तसेवा) कुंजीरवाडी येथील श्रीराम विविध कार्यकारी सेवा सोसायटीच्या चेअरमनपदी सुनिता संदीप धुमाळ तर उपाध्यक्षपदी सुदाम पुजारी यांची बिनविरोध निवड करण्यात आली.
सोसायटीचे चेअरमन लक्ष्मण कुंजीर व व्हाईस चेअरमन गणेश दत्तात्रय कुंजीर यांनी आपल्या पदाचा राजीनामा दिल्याने रिक्त झालेल्या पदासाठी निवडणूक घेण्यात आली.श्रीराम विविध कार्यकारी सेवा संस्थेच्या चेअरमन व व्हाईस चेअरमन पदाची निवडणूक नुकतीच पार पडली ही प्रक्रिया निवडणूक निर्णय आधिकारी सोनाली देसाई व सचिव विवेक ठोंबरे यांच्या उपस्थितीत पार पडली. चेअरमन पदासाठी सुनिता धुमाळ तर व्हाईस चेअरमन पदासाठी सुदाम पुजारी यांचा एकमेव अर्ज आल्याने निवडणूक अधिकाऱ्यांनी ही निवड बिनविरोध झाल्याची घोषणा केली. यावेळी संस्थेचे सर्व संचालक उपस्थित होते. यावेळी कुंजीरवाडीचे माजी सरपंच सचिन तुपे,माजी सरपंच संतोष कुंजीर, श्रीनाथ पतसंस्था चेअरमन संदीप सुखराज धुमाळ, माजी उपसरपंच चंद्रकांत मेमाणे, दिपक ताम्हाणे, भाऊसो गणपत कुंजीर तसेच संस्थेचे सभासद कुंजीरवाडी ग्रामस्थ मोठ्या संख्येने उपस्थित होते.